المساعد الشخصي الرقمي

مشاهدة النسخة كاملة : طريقة الانتقال من هونج كونج إلى كوانزو



عرب لينك
07-15-2013, 04:20 PM
من هونج كونج إلى كوانزو

تستطيع الوصول من هونج كونج إلى كوانزو بالطائرة أو بالقطار أو بالباص أو بالبحر ,وللانتقال من هونغ كونغ الى كوانزو بالقطار في عدة رحلات باليوم
ولكن دائما نبحث عن الأسهل والأقل تكلفة

من واقع تجربتي أيسرها وأحلاها واقلها تكلفة القطار ... واليكم خط السير خطوة خطوة :
وصلت مطار هونج كونج بالسلامة >> ختمت جوازك.. تجاوزت التفتيش .. خرجت من أول بوابة بعد التفتيش .. تلاقي نفسك بما يشبه السوق ،،،
اوكي ..
في كاونتر دائري بوسط السوق مخصص لقطع تذاكر القطار
اقطع تذكرة ب 90 دولار هونج كونكي (دولار أمريكي = 7.2 دولار هونج كونج تقريبا )
وأنت واقف عند مكتب التذاكر .. على يمينك البوابة اللي خرجت منها وعلى يسارك محطة القطار
اركب القطار .. أول محطة لا تنزل فيها.. انزل في الثانية اسمها ( كولون )
تنزل مع الناس الين تشوف لوحة تشير إن التكاسي يسار
أنساها ولا تروح للتكاسي
محطة التكاسي اتجاه يسار .. انت اتجه يمين
يقابلك مصعد .. اطلع المصعد اضغط رقم 2
تطلع منه ،، يمين في يسار ... تلاقي نفسك عند محطة باصات
اركب في باص k1
اجرة الباص داخله بقيمة تذكرة القطار .. يعني ما تدفع اجرة الباص .. لا تنزل في أول محطة للباص ،، انزل في الثانية
من يوقف الباص تشوف على اليمين محطة قطار ضخمه اقطع الشارع وروح لها
من تدخلها اتجه يمين .. أول ممر على اليمين لا تدخله.. ادخل الثاني ..
ثالث محل على اليسار مكتب التذاكر اقطع تذكرة لكوانزو ب 190 دولار هونج كونكي
( ما معك عملتهم مقابل مكتب التذاكر محل صرف عمله .. اصرف 100 دولار أمريكي وبزياده .. تلزمك في الرجعه )
من تاخذ التذكرة وأنت واقف عند مكتب التذاكر على يمينك بوابة الدخول (20 متر تقريبا ) ادخل منها .. حط شنطك على السير للتفتيش ..
خلصت .. واصل اختم جوازك.. خروج من هونج كونج.. واصل وانزل سلم كهربائي
اركب القطار .. وبالسلامة ما يوقف بك إلا بكوانزو
في محطة كوانزو تختم دخول الصين
مدة الرحلة بالقطار من هونج كونج لكوانزو ساعتين و10 دقايق
اجمالي تكلفة الرحلة 280 دولار هونج كونكي أي 40$ اميركي
انتبه
عند وصولك الى كوانزوا لاتركب بالتاكسى ياللى تحصله مباشره لانها اكثر من غاليه
بعد ختم الجواز وانت طالع فيه درح ينزلك تحت انزلوا معه عشان تاخذوا تاكسى من الشارع بالعداد يعنى تكون رخيصه